KIROLA EGIN LEIOAN
Leioan kiroldegi anitz dituzu zure kirolik gustukoena praktikatzeko.
Leioako Udalaren kirol-instalazioak eremu desberdinetan daude.
Ziurrenik Sakoneta kiroldegia da ezagunena.
Bertan dago kirolen antolamendu- eta administrazio-eremua.
Bidegorriak
Leioan bizikletan ibiltzea segurua da.
Eta, izan ere, bidegorriak -bizikletentzako bide esklusiboak- 16 km baino gehiago ditu.
Parkeak, lorategiak eta auzoak zeharkatuko dituzu, errepideko zirkulazio-arriskurik gabe.
Bilborekin eta unibertsitatearekin lotzeko lanak gauzatzen ari dira orain bertan. Bidegorri-sare zabala izango da, proiektuari lehendik dauden bidegorriak gehitzen badizkiogu.
Horrela, Leioatik abiatuta ibilbide desberdinez gozatu ahal izango duzu.
Esteka hauetan dituzu ibilbideen xehetasunak:
Torresoloko kirol-instalazioak
Torresoloko kanpoko igerilekuek instalazio hauek dituzte: igerileku handia spa-zonarekin, plisti-plasta ibiltzeko igerilekua haurrentzako osagarriekin; igerilekua txirristekin eta haurrek gozatzeko hainbat txirrista dituen pirata-ontzia.
Ekainaren 15etik irailaren 15era arte dago zabalik, eta ez da aurretiko hitzordua hartu behar. Garai honetan igeriketako ikastaroak eta familientzako jarduerak daude, eta beste hainbat esperientziaz goza dezakezu.
Informazio gehiago webean:
leioakirolak.leioa.eus
Padel- eta tenis-pistak
Torresolon punta-puntako zazpi pista eraiki dituzte ingurune natural zoragari batean. Estalita eta argiztatuta daude.
Hormigoizko tenis-pista bat eraiki da ingurune naturalean. Atsedengune zabala du, eta aldagelak ere baditu.
Anima zaitez eta egin kirola gure instalazioetan… Izugarri ondo sentituko zara!
Sarriena
Leioako kirol-sozietatearen udal-instalazioak Bizkaiko bigarren kirol-hiririk handiena dira.
Lezamakoak bakarrik dira handiagoak, Athletic Club-en jabetzakoak, 80ko hamarkadaren amaieran Leioako Sarriena auzoan eraikitakoak.
Kirol-sozietateak lau futbol-zelai ditu; batek bakarrik du belar naturala, besteek belar artifiziala dute.
Aparkaleku zabala eta taberna ere baditu.
Skate-pistak
Leioako skate-parkea 2011n inauguratu zen, eta 300m2 ditu.
Pinosolo parkeko alde batean dago, Txikia etorbidean, Volkswagen kontzesionarioaren atzean eta La Avanzada 1. aparkalekuaren alboan hain justu.
Sarrera librea du, zure kirolik gustukoena bakarka edo taldean gozatu ahal izateko.
Zailtasun-maila ertainekoa da, eta, izan ere, horma batzuk ia-ia bertikalak dira.
Ausartzen al zara?
Zatoz Leioara eta jarri gurekin sasoian!
GAUZA INTERESGARRI GEHIAGO EZAGUTU DITZAKEZU…
Ⓒ 2022 – Hecho por Inboost Tourism KO