Piper berdearen marmeladaren errezeta
Piper berdearen marmelada piper zapore leuneko marmelada bat da, nortasuna eta freskotasuna irabazten dituena txakolina gehitzean. Ezin hobea da aperitibo frijituak prestatzeko, kroketak, tigre beteak edo tenpuran dauden barazkiak, adibidez.
OSAGAIAK (125 ml-ko ontzia)
- 40g piper berde
- 40 g kipula
- 26,5g azukre
- 10 ml txakolin
- Piperbeltz beltza (0,77ud)
- Olioa, gatza
- “Pektina” 0,38g
Pausoz pauso:
- Barazkiak aurrez elaboratzea: garbitzea, haziak kentzea eta moztea.
- Erregosi barazkiak olio eta gatz pixka batekin.
- Gehitu azukrea, maneteatu su baxua eta kolorerik hartu gabe, gehitu txakolina.
- Egosi 10-15 minutuz eta birrindu.
- Testuraren arabera, erantsi pektina, gorde azukre pixka bat eta nahastu pektinarekin pasatutakoan. Irakin eta kendu.
Piper gorriko marmeladaren errezeta
Piper gorriaren marmelada, marmelada arina da, baina ez du piper zaporea galtzen, erabiltzen diren osagai guztiak egosten baitira. Ezin hobea da bakailao konfitatuzko takodun pintxoak edo haragi zuriko elaborazioak prestatzeko.
OSAGAIAK (125 ml-ko ontzia)
- 70g piper gorri
- 21 g azukre
- 14ml ozpin
- 7ml ur
- Pipermina (0,28 ud)
- Gatza
- “Pektina”
Pausoz pauso:
- Piperrak erre larruazala kentzeko.
- Zuritu, haziak kendu eta zatitu ondoren.
- Nahasketa lapikoan prestatu gainerako osagaiekin batera 30-40 minutu.
- Testuraren arabera, erantsi pektina, gorde azukre pixka bat eta nahastu pektinarekin pasatutakoan. Irakin eta kendu.
Piper txorizeroaren marmeladaren errezeta
Piper txorizeroaren marmelada zapore bizi eta apur bat mineko marmelada bat da. Marmelada honen ezaugarria bere indarra da, eta haragi gorrientzako edo txokolatezko postreentzako aliatu ona izango litzateke.
OSAGAIAK (125 ml-ko ontzia)
- 22,5g piper txorizeroaren mamia
- 22,5g azukre
- 6,3 ml limoi-zuku
- 90ml ur
- Kaiena (0,22ud)
- “Pektina” 0,47g
Pausoz pauso:
- Bildu osagai guztiak kazola batean eta prestatu 45 minutuz.
- Birrindu, nahi den sendotasuna dutenean.
- Testuraren arabera, pektina gehitu, azukre pixka bat gorde eta pasatutakoan pektinarekin nahastu. Irakin eta kendu.
