Leioak pantaila txiki eta handira jauzi egin du. Hala erakusten dute azken hilabeteetan udalerrian egin diren grabazioek.
Hainbat estilotako grabazioak
Joan den otsailean, Miguel Ángel Vivasek, Manuel Carballok eta Alejandro Bazzanok zuzendutako “Cicatriz” (“Orbaina”) telesaileko hainbat eszena grabatu ziren Artaza Jauregian, Vis a Vis, Toy Boy eta La Casa de Papel ekoizpenen gidoilariez gain. Bere ekoizpenean TVEk, Amazon Primek eta Telekom Srbijak parte hartzen dute.
Berrikiago, aurtengo maiatzean ere, “Karmele” euskarazko film luzea grabatu da, Asier Altunak zuzendua eta Jone Laspiur eta Eneko Sagardoy protagonista dituena. Film hau Kirmen Uriberen “La hora de despertarnos juntos” (“Elkarrekin esnatzeko ordua”) eleberrian oinarrituta dago. Bertan, Karmele Aurresti 1930eko hamarkadaren amaieran Frantzian erbesteratutako erizain euskaldunaren istorioa kontatzen da.
Gainera, film honek balio erantsia du, tokiko eta euskarazko ekoizpena delako, eta horrek zinemaren industria dinamizatzen eta euskal kultura sustatzen laguntzen du.
Orain, berriz ere irailean, Artaza Jauregiak grabazio gehiago hartu zituen, kasu honetan REPOSADO P.C.k eta THE MEDIAPRO STUDIOk ekoitzitako eta Polo Menárguezek Fernando León de Aranoarekin batera zuzendutako “El Talento” (“Talentua”) filmarekin. Protagonista nagusien artean, Ester Expósito eta Pedro Casablanc aktoreak daude.
Aipatzekoa da, halaber, aurtengo grabazio horien aurretik, HBOrako “30 monedas” (30 txanpon”) edo Netflixerako “Intimidad” (“Intimitatea”) serieek Leioako Artaza Jauregia ere filmatzeko set gisa erabili zutela.
Ekimen horien eragina
Horrelako ekimenek Leioako erakargarritasun turistikoa eta ondare historikoa ikusarazten laguntzen dute. Gainera, ez hori bakarrik, ikus-entzunezkoen industria Leioara erakartzeak, argiztapen, grabazio, makillaje, jantzi eta beste hainbat profesionalak barne, ikus-entzunezko industria dinamizatzen eta Leioako tokiko ekonomia hobetzen ere laguntzen du.
